Aðrar fjárfestingar

Vöxtur, peningablóm

Hrjáf

Eignir og uppbygging

Eignasafn fasteignafélagsins Hrjálfs samanstendur m.a. af eignum í Efstaleiti, íbúðum á Frakkastíg, iðnaðarhúsnæði að Gylfaflöt, íbúðum á Vatnsstíg/Lindargötu, einbýlishúsi á Þingholtsstræti 29a og Hótel Vintage Reykjavík.

Langflestar eignirnar eru í útleigu. Aztiq leigir til að mynda erlendum starfsmönnum Alvotech sem það kjósa íbúðir til lengri eða skemmri tíma á meðan fólk er að fóta sig í íslensku samfélagi. Sumt starfsfólk Alvotech kemur til Íslands að vinna í skemmri tíma, jafnvel einu sinni til tvisvar í mánuði. Þá er mikilvægt fyrir Alvotech að hafa aðgang að íbúðum eða hótelherbergjum sem fólk getur gist í. Hefðbundið fyrirkomulag er á milli leigusala og leigutaka. Starfsfólk er ekki skuldbundið til að leigja af Hrjáf heldur gefst kostur á því. Leiguverð er í samræmi við markaðsverð á leigumarkaði.

Þar sem lítil sérþekking var á Íslandi á líftæknilyfjaframleiðslu þegar Alvotech hóf störf hefur fyrirtækið ráðið inn sérhæft fólk erlendis frá. Mikil samkeppni er á alþjóða markaði eftir hæfileikaríku starfsfólki og því hefur það auðveldað ráðningaferlið að starfsfólk fái íbúðir hratt og örugglega. Margt starfsfólk kemur hingað til lands með fjölskyldu sína og þá skiptir máli að vera nærri vinnustaðnum sem og skóla og annarri þjónustu en erfiðlega hefur gengið að fá viðeigandi íbúðir á markaði sem uppfylla þessar þarfir.

Því var mikilvægt fyrir upbyggingu Alvotech að geta boðið starfsfólki aðstoð. Einn megin tilgangur Aztiq er að fjármagna fasteignaþörf Alvotech á Íslandi. Með uppbyggingu Alvotech verður til ný þekking á Íslandi sem samræmist markmiðum Aztiq um að efla og styrkja vísindasamfélagið hér á landi til hagsbóta fyrir allt samfélagið.

Akkelis ehf.

Samstarf Aztiq og Reir ehf.

Akkelis ehf. er i jafnri eigu Aztiq og Reir ehf. Félagið heldur utan um fasteignaþróunarverkefni eins og lóðir í Vogabyggð. Félagið stóð m.a fyrir uppbyggingu á Hlíðarendasvæðinu. Akkelis á einnig hlut í Mjölni í gegnum dótturfélagið Öskjuhlíð ehf.