Aztiq er langtímafjárfestir sem leggur áherslu á fjárfestingar í lyfjaiðnaði. Stærstu eignir Aztiq eru í lyfjafyrirtækjunum Alvogen, Alvotech og Lotus. Fjárfestahópurinn samanstendur af einstaklingum og alþjóðlegum fjárfestingasjóðum. Aztiq leggur höfuðáherslu á fjárfestingar í lyfja- og heilsutengdum iðnaði. Það er trú Aztiq að allir eigi rétt á lyfjum óháð efnahag. Aztiq vill byggja upp vísindasamfélag sem leggur áherslu á að bæta heilsu fólks um allan heim.

Skrifstofan í London er miðlægur fundarstaður og vinnusvæði fyrir starfsmenn innan Alvo-fyrirtækjasamsteypunnar auk þess að vera vettvangur fyrir stjórnarfundi hinna ýmsu aðila.

Alvogen er alþjóðalegt lyfjafyrirtæki sem leggur áherslu á þróun, framleiðslu og sölu samheitalyfja, lausasölulyfja og líftæknilyfja um allan heim. Markmið félagsins er að bjóða hágæða lyf á lægra verði og draga þannig úr kostnaði í heilbrigðisstarfsemi.

Lotus er samheitalyfjafyrirtæki á alþjóðamarkaði og er stærsta lyfjafyrirtækið á aðallista kauphallar Taívan. Það var stofnað árið 1966 og varð hluti af Alvogen árið 2014. Fyrirtækið sérhæfir sig í framleiðslu hágæða krabbameinslyfja og stefnir á að verða ákjósanlegasti samstarfsaðilinn á sviði krabbameinslækninga á alþjóðavettvangi. Framleiðslu- og þróunaraðstaða Lotus er sú besta sem fyrirfinnst í Taívan og Kóreu. Fyrir utan sérhæfingu í framleiðslu krabbameinslyfja framleiðir fyrirtækið samheitalyf við hjartasjúkdómum auk annarra lyfja.

Líftæknifyrirtækið Alvotech var stofnað árið 2013 og hefur það að markmiði að auka aðgengi sjúklinga um allan heim að hágæða líftæknilyfjum, lækka lyfjaverð og auka lífsgæði. Fyrirtækið vinnur að þróun og framleiðslu á hágæða líftæknihliðstæðulyfjum, en líftæknilyf eru afar áhrifarík og hafa gefið góða raun í meðhöndlun á erfiðum sjúkdómum eins og gigt, sóríasis og krabbameini. Höfuðstöðvar og hátæknisetur Alvotech sem staðsett er í Vísindagörðum Háskóla Íslands í Vatnsmýri er fullbúið fullkomnustu tækjum og búnaði til þróunar og framleiðslu líftæknilyfja. Framkvæmdir eru í gangi við stækkun aðstöðunnar í Vatnsmýri um 13.500 fermetra sem er nánast tvöföldun og eru verklok áætluð í árslok 2022.

Adalvo er alþjóðlegt lyfjafyrirtæki sem einblínir fyrst og fremst á sölu á þjónustu til fyrirtækja og starfar eftir viðskiptamódeli sem kallast „viðskipti til fyrirtækja“ eða svokallað „business to buisness“ (B2B). Það nýtir snjallar viðskiptalausnir og öflugt samstarfsnet til að ná markmiðum sínum og skilar þannig hágæða þjónustu til allra samstarfsaðila. Það eykur aðgengi að lyfjum fyrir sjúklinga um allan heim.

Almaject er lyfjafyrirtæki sem sérhæfir sig í þróun, kaupum og sölu samheita stungulyfja fyrir sjúkrahús, heilsugæslu og smásölu á Bandaríkjamarkaði. Lyfjasafn fyrirtækisins samanstendur af hágæða samheitalyfjum sem uppfylla ströngustu kröfur til hagsbóta fyrir viðskiptavini sína.

Alvogen er staðráðið í að verða ákjósanlegur samstarfsaðili á alþjóðavettvangi og framtíðarsýn þess er skýr; að bjóða hágæða lyf á lægra verði og draga þannig úr kostnaði í heilbrigðisstarfsemi. Alvogen er alþjóðalegt lyfjafyrirtæki sem leggur áherslu á þróun, framleiðslu og sölu samheitalyfja, lausasölulyfja og líftæknilyfja um allan heim.

Alvogen AEMH er alþjóðlegt lyfjafyrirtæki í einkaeigu sem einbeitir sér að þróun, framleiðslu og sölu samheitalyfja, vörumerkja, lausasöluvara (OTC) og sambærilegra lyfja fyrir sjúklinga um allan heim. Starfið snýst fyrst og fremst að auka lífsgæði fólks og vera í fararbroddi á sínu sviði.

Almatica Pharma er einkarekið bandarískt lyfjafyrirtæki sem einbeitir sér að þróun, kaupum og markaðssetningu á vörumerkjalyfjum. Vaxandi safn Almatica inniheldur Rx-vörur á sviði geðlækninga, verkjameðferðar, sýklalyfja og hjarta- og æðasjúkdóma.